നിമിഷങ്ങള്‍ ...

എല്ലാം വളരെ പെട്ടന്നായിരുന്നു .ഒന്ന് കണ്ണുചിമ്മി തുറക്കുന്നതിനുമുന്പേ  എല്ലാം കഴിഞ്ഞിരുന്നു .അവിടെ നിന്നും സ്വപ്നങ്ങളുടെയും മോഹങ്ങളുടെയും പ്രതീക്ഷകളുടെയും ചിറകുകള്‍ അറ്റമില്ലാത്ത ആകാശത്തേക്ക് പറക്കുന്നത് കാണാമായിരുന്നു .ഹോ കഴിഞ്ഞു പോയ ആ നിമിഷം എത്ര വേദനാജനകമായിരുന്നു .കുറച്ചു നിമിഷങ്ങള്‍ക്ക് മുന്‍പ് അവള്‍ സ്വപ്നത്തില്‍ കൂടി ചിന്തിച്ചിട്ടുണ്ടാവില്ല വരാനിരുന്ന ആ വിപത്തിനെ കുറിച്.എന്തെല്ലാം കണക്കുകൂട്ടലുകലായിരിക്കും പിഴച്ചത് ...
              വരാനുള്ളത് വഴിയില്‍ തങ്ങില്ല എന്ന് പറയുന്നത് എത്ര ശരിയാണ് .തൊട്ടടുത് സീബ്രാ ലൈനും ട്രാഫിക് കണ്ട്രോള്‍ സ്വിട്ച്ചും ഉണ്ടായിരുന്നിട്ടു പോലും അതുപയോഗിക്കാതെ സ്റ്റോപ്പില്‍ നിര്‍ത്തിയ ബസിനു മുന്നില്‍ കൂടി തന്നെ ആപത്തിലേക് ആ പ്രിയ സഹോദരി എടുത്തു ചാടി !!.ജീവിതം എത്ര ക്ഷണികമാണല്ലേ.. ഒരുപാട് ഭ്രമിപിച് ഒന്നാസ്വദിക്കുന്നതിനു മുന്‍പേ കൈവിട്ടു പോകുന്ന പളുങ്ക് പാത്രമാണ് ജീവിതം...
       അല്ലെങ്കിലും പൊതുവേ നാം മലയാളികള്‍ അങ്ങനെയാണ് .നമുക്കെല്ലാം വേണം എന്നാല്‍ ഒന്നുമൊട്ടും വേണ്ടാതാനും .ഓവര്‍ ബ്രിഡ്ജ് ഉണ്ടെങ്കിലും റെയില്‍ പാളം മുറിച്ചു കടന്നില്ലെങ്കില്‍ നമുക്ക് വല്ലാത്തൊരു അസസ്ത്വതയാണ് ,അതും വണ്ടി വരുന്ന നേരത്ത് തന്നെ വേണം !.പൊതു ടോയ്ലെട്ടുകലുണ്ടെങ്കിലും നമുക്ക് മൂത്രം പോകാന്‍ റോഡരികുകളോ നടപാതകളോ തന്നെ വേണം .തുപ്പരുതെന്ന് പറഞ്ഞാല്‍ തുപ്പി നശിപ്പിചിരിക്കും .പുകവലിക്കരുതെന്ന് പറഞ്ഞാല്‍ വലിചിരിക്കും .ഹെല്‍മറ്റിടാന്‍ പറഞ്ഞാല്‍ നമുക്കൊരു പുച്ച്ചമാണ് ,ഇവനാരെടാ ഇതു പറയാന്‍ നിനക്കൊക്കെ പൈസ പിടിക്കാന്‍ വേണ്ടിയല്ലേ ഈ നിയമം എന്നാ മട്ടിലാണ്‌ കളി .എത്ര വിദ്യഭ്യാസമുള്ളവനും നമ്മുടെ നാട്ടില്‍ കൂതരകളും മറുനാട്ടില്‍ മിസ്റ്റര്‍ പെര്‍ഫെക്ടുമാണു.നാം മല്ലൂസ് ഇങ്ങനെയാണ് എല്ലാം വിപരീതമയെ ചെയ്യൂ .നെഗറ്റീവ് ഇഷ്ടപ്പെടുകയും മറ്റുള്ളവരുടെ വേദനകള്‍ ആഘോഷമാക്കി മാറ്റുകയും ചെയ്യുന്നവര്‍
         വിചാരിച്ചു കഴിഞ്ഞാല്‍ നാം നടത്താത്ത ഒന്നുമില്ല .ഉദാഹരണം കള്ളുകുടിയിലെ ഒന്നാം സ്ഥാനം .മത്സരമാല്ലായിരുന്നോ കുടിച്ചു ജയിക്കാന്‍ !!! ഈ ഒത്തൊരുമ നമുക്ക് നമ്മുടെ നാട് നന്നാക്കാനെടുത്തു കൂടെ ...അനീതികള്‍കെതിരെ ശബ്ദമുയര്തിക്കൂടെ ...ശുചിത്വ കേരളം സുന്ദര കേരളം വാക്കിലോതുക്കാതെ നടപ്പിലാക്കിക്കൂടെ ......  

നോട്ട്  : എന്തോന്ന് ഒന്ന് പോടേ....ഇവനാരെടാ ഞങ്ങളെ ഉപദേശിക്കാന്‍ വന്നിരിക്കിന്നു എന്നും പറഞ്ഞു ഞമ്മളെ ആപ്പിലാകുമോ മല്ലൂസ് ............!!!!!!!!!!